په هندوستان کې په قومي او قبیله وي شخړو کې د وژل شویو کسانو شمېر ۵۴ تنو ته ورسید
ایکنا د پارس ټوډې له قوله راپور راکړ،د هندوستان په مانیپور صوبې کې د قومي او قبیله وي شخړو له امله د وژل شویو کسانو شمېر ۵۴ تنو ته ورسید او د مرګ ژوبلې د زیاتېدو اندېښنې ههم ښودل شوي دي .
د رسنیو د را پورونو له مخې په یاده سیمه کې د قومونو ترمنځ د شخړو د مخنیوي په موخه سیمې ته زرګونه پوځیان رسیدلي، خو بیا هم تېره شپه تازه شخړي شوي دي.
ویل کیږي، په سیمه کې د حکومت له لورې انټرنیت او نور مخابراتي خدمتونه هم بند شوي، ترڅو د وضعیت په کنټرول کې ورسره مرسته وشي.
مانیپور د هند په شمال لویدیځ کې لیرېپراته صوبه ده چې له نور هندوستان سره د تګ راتګ لپاره یوازې نرۍ لارې لري.
په دې صوبې کې څو لسیزې کیږي چې قومي او قبیله وي شخړې روانې دي او بیلتون غوښتونکي ډلې هم پکې شتون لري. هندوستان د څو ملیّتونو جوړ هیواد دی او وخت په وخت پکې وینې بهیږي او حکومتي لوري هم ورته څه خاص توجه نه کوي.
